Ongi etorri

jueves, 8 de diciembre de 2011

Klase praktikoko ariketaren adibidea

Hona hemen, zirkuitua deritzon ariketa azalduta. Umeek honen bidez, nola egin behar duten ikasiko lukete.

Klase pratikoko saio bat

Sarrera honetan, benetako klase praktiko bat aurkeztuko da. Klase hau, eskolan lantzekoa izango da eta batez ere, 2.mailako ikasleei zuzenduta dago. Espero dut zuen gustukoa eta baliagarria izatea.

Joxeren Txapela (6. Helburua)

Behar diren baliabideak: Baloi bat.

Jolasaren garapena:
Talde handia 3 – 4 taldeetan banatu. Talde bakoitza ilaran jarriko da, denon artean gurutze bat eratuz. Erdian baloi bat jarriko da. Ikasleak ilaran dauden bezala, zenbatuta egongo dira. Bakoitzaren zenbakia entzutean borobiletik irten, buelta osoa eman eta taldekoen hanka azpitik pasatu ondoren ia nork ukitzen duen lehenago baloia.
Buelta eskerrera zein eskumara egingo dira.

Denboralizazioa: 10 minutu
Lekua: Patioa edo patio estalia Taldekatze mota: Talde txikiak.


Giharren luzapena:


Giharren luzapena (1, 3, eta 4. Helburuak)
Behar diren baliabideak
: Ez da baliabiderik behar.

Garapena:
Saio bakoitzeko arduradun batek bideratzen du luzapenen ariketa. Modu honetan guztiok jakin beharko dituzte luzatuko diren giharren izenak, kokapena eta luzatzeko modu egokia lesioak ekiditeko. Ariketa honek jarraipen bat dauka, hau da, goitik beherako giharrak luzatu, edo alderantziz.

Denboralizazioa: 5 - 10 minutu
Lekua: Patioa edo patio estalia Taldekatze mota: Banaka edota binaka

JARDUERA NAGUSIA

Zirkuitua (1 eta 6. Helburuak)
Behar diren baliabideak: Uztaiak, konoak, koltxonetak, soka, bankua, plinton eta saskibaloiko pilotak.

Jolasaren garapena:
Uztaietatik desplazamenduak.
Konoetatik “zig-zag”.
Koltxonetatan bueltak eman.
Soka salto.
Bankuen gainetik belauniko pasatu.
Plintoaren gainetik pasatu.
Saskibaloiko baloiekin boteak emanez zelaitik ibili.

Oharra:
Jarduera egin aurretik, bakoitzak bere bihotzeko taupadak (pultsua) minutuko neurtuko ditu. Jarduera bukatu bezain laster, berriro neurtuko dira eta errekuperatze prozesuak zenbateko iraupena duen jakin behar izango dute, deskantsatu eta gero prozedura bera eginez.
Denboralizazioa: 15-20 minutu
Lekua: Patioa edo patioa estalia Taldekatze mota: Banakakoa


Bukaera

Dutxa (4 eta 6. Helburuak)
Behar diren baliabideak:
Bakoitzak ekarri behar duena: txankletak, xaboia, toalla eta aldatzeko arropa.

Garapena:
Ume bakoitzak erantzule izan behar du dutxa hartzeko saio baten ostean**. Higienearen garrantziaz ohartzea izango da eguneroko jarduera honen helburu nagusia. Kontuan hartuko da ume bakoitzak behar den guztia ekartzen duen edo ez.

**Ebaluazio jarduera
: Galdeketa labur baten bidez, irakasleak umeekin batera dutxa hartzearen garrantzia jorratuko dute. Modu honetan, bakoitzak duen dutxa hartzearen kontzeptua antzeman egingo da, zuzendu beharreko kasuetan zuzentzeko.

Denboralizazioa: 10-15 minutu
Lekua: aldalekuak Taldekatze mota: Banakakoa

martes, 6 de diciembre de 2011

Jolasak emozioak lantzeko?

Zergatik esaten da jolasak emozioak lantzeko aproposak direla?

Jolasak ondoko izaera dauka Piaget-entzako:

1. Jolasa norbere burura orientatzen den ekintza bezala kontsideratzen du, portaera autototelika bezala.
2. Berezkotasuna da Piaget-entzako jolasaren bigarren ezaugarria. Kontrolatugabeko berezkotasuna, askatasuna suposatzen du.
3. Plazera, portaera serioaren kontra-posizio bezala.
4. Jolasak ez du edukitzen estruktura antolatu bat, pentsamenduaren ordena logikoari kontrajarriz.
5. Konflikto pertsonalei irtenbideak bilatzeko balio du.




5-6 urteren bitarteko umeen kasuan, materialen eta ingurunearen domeinuaren progresioak jarraitu egiten du, sei urterekin benetan harrigarria den ekoizpena lortu arte. Norbere helburura lortzeko ez dago zailtasunik edozein material erabiltzerakoan. Aldaketarik handienak edo espektakularrenak, jolasaren gizarte alderdiak dira.

Kideen ezaugarriei buruz, neskato eta mutikoek, euren sexuko kideak nahiago izaten dituzte, nahiz eta amankomunean egiten diren ekintzak egon. Batez ere, rol batzuk betetzeko behar izaten dira (sendiak aitarena egiteko mutil bat behar du). Ume txikiagoekin elkarrekin jolastu daiteke.

miércoles, 30 de noviembre de 2011

Elikagaien eta elikaduraren garrantzia

Dieta osasuntsua izateak eta elikagaien erabilera egokiak garrantzi handia du gure gorputzean. Horretarako, gorputz heziketan landu daitekeen kontzeptu bat izan daiteke azken batean jaten eta egiten dugunaren araberakoak garelako.

Elikadura:
Nerabeen hazkuntza eta hezkuntzan oso gai garrantzitsua da

Egunero zaindu eta landu beharrekoa (egunero jaten baitugu).

Elikagaiak:

-Elikatzen gaituen oro (egokia/ez, solido edo likido, atseginagoa edo ez…)

-Elikadura bitartez, nutritzen gara.

-Eta nutrizioaren bitartez bizi

-Elikagaiek, bizi funtzioak aurrera eraman ahal izateko, behar ditugun nutrienteak eskaintzen dizkigute

Elikagaien sailkapena




Elikagaiak era askotara sailka daitezke. Azken urteotan, elikagaien jatorrian eta elikagai horiek organismoari eskaintzen dizkioten nutrienteetan oinarritutako sailkapena nagusitu da. Sailkapen horren arabera, elikagaiak sei taldetan banatu daitezke:

1. Taldea: ESNEA; ESNEKIAK ETA ARRAULTZAK. Proteinak, bitaminak eta kaltzioa dituzte
2. Taldea: HARAGIA, HEGAZTIAK ETA ARRAINA. Proteinak dituzte batik bat.
3. Taldea: GANTZAK ETA OLIOAK. Neurriz hartuta, behar ditugun gantzen oso zati handia eskaintzen dute.
4. Taldea: ZEREALAK, EGOSKARIAK, PATATAK ETA AZUKREA . Proteinak eta gluzidoak dituzte.
5. Taldea: BARAZKIAK ETA BERDURAK. Bitamina eta zuntz iturri dira.
6. Taldea: FRUTAK. Gluzidoak, bitaminak eta zuntza dituzte.

Gure osasuna elikagai horiek behar bezala hartzearen eta kopuru egokian hartzearen menpe dago.

viernes, 25 de noviembre de 2011

Jolas kooperatiboak

Gure jolasteko modua konpetitiboa da eta jolas kooperatiboen funtsa guztiz kontrakoa. Jolas konpetitiboetan erronka gainontzekoak irabaztea, gainditzea da; jolas kooperatiboetan aldiz, erronka edo gatazkaren iturria kanpoko elementu batean kokatzen da eta guztion artean egin beharko diogu aurre, ostantzean, ez dugu helburua lortuko. Horrek guztiak transmititzen diren baloreen aldaketa erradikala suposatzen du.




Jolasaren Balioen Dekalogoa (Inter Red Euskal Herria)

-PLAZERRA: Jolasa bizi-poza da, uneaz gozatzea da.
-ASKATASUNA: pertsona oro aske da jolastu ala ez aukeratzeko.
-HAZKUNTZA: Jolasak oinarri sendoko zoriona eraikitzen du. Horrek berekin dakarzkigu bizitasuna, jakin-mina, egunez egunekoaren ihesbide positiboa eta azken batean askatasuna eta atsegina.
-DIBERTSITATEA: Jolasa, pertsonen antzera, bakarra eta errepika ezina da, ez baita inoiz modu berean garatuko. Jokaldi bakoitza desberdin izango da.
-INTEGRAZIOA: Jolasak parte-hartzaileei laguntzen die jolasaren barruan integratzen eta ezagutza, entzumena, ulerkuntza eta jolasaren arauka eta dinamika onartzen laguntzen die.
-SORMENA: Irtenbide, ideia eta jolasteko ere berriak etengabe proposatzeko aukera ematen du jolasak.
-GATAZKA-ALDATZAILEA. Jolastean erabakiak hartzendira, egoera zailak jorratzen dira eta horiei aurre egiteko estrategiak antolatzen dira.
-PARTEHARTZEA: Komunikatu, entzun, sozializatu eta sozialki interaktuatzeko tresna da jolasa.
-LANKIDETZA: Lankidetza jolasetan, elkarrekin jolastuz bilatzen den helburua soil-soilik lor daiteke parte-hartzaile guztien elkar lanarekin.
-KULTURARTEKOTASUNA: Izateko, bizitzeko, pentsatzeko, sentitzeko eta kokatzeko era berriak bilatzen, ezagutzen eta errespetatzen laguntzen digu jolasak.

sábado, 19 de noviembre de 2011

Euskal Jolasak

Jarraian jarriko dudan Power Point-ean, jolasak agertzen dira. Bertan, ezagutza jolasak, zotz jolasak eta konfiantza jolasak agertzen dira. Ezagutza jolasak, oso aproposak dira klaseko hasierako egunetan egiteko eta elkarren artean ezagutu ondoren, konfiantza lortzeko, konfiantza jolasak daude. Taldeak egin behar badira, zailtasunik egon ez dadin hainbat jolas proposatzen dira jarrian.

Espero dut baliagarria izatea zuontzat:

JOLASAK
View more presentations from anetxe